ഇന്ന് ഭാഗ്യവിദാതാവായ ബാബ സര്‍വ്വ ഭാഗ്യശാലി കുട്ടികളുമായി കൂടിക്കാഴ്ച നടത്താന്‍ വേണ്ടി വന്നിരിക്കുന്നു. ഭാഗ്യവിധാതാവായ ബാബ സര്‍വ്വ കുട്ടികള്‍ക്കും ഭാഗ്യത്തെയുണ്ടാക്കുന്നതിനുള്ള അതിസഹജമായ വിധി കേള്‍പ്പിച്ചു കൊണ്ടിരിക്കുന്നു. കേവലം ബിന്ദുവിന്‍റെ മഹത്വത്തെയറിയൂ.  ബിന്ദുവിന്‍റെ മഹത്വം വളരെ സഹജമാണ്.  ബിന്ദുവിന്‍റെ മഹത്വത്തെ മനസ്സിലാക്കി മഹാനാകൂ. സര്‍വ്വതിലും വച്ച് സഹജവും ശക്തിശാലിയുമായ ബിന്ദുവിന്‍റെ മഹത്വത്തെ നല്ല രീതിയിലൂടെ മനസ്സിലാക്കിയില്ലേ. ബിന്ദുവെന്ന് പറയുക, ബിന്ദുവാകുക. ബിന്ദുവായി ബിന്ദു ബാബയെ ഓര്‍മ്മിക്കുക. ബിന്ദുവായിരുന്നു, ഇപ്പോള്‍ ബിന്ദു സ്ഥിതിയില്‍ സ്ഥിതി ചെയ്ത് ബിന്ദു ബാബയ്ക്ക് സമാനമായി മിലനം ആഘോഷിക്കണം. ഇത് മിലനം ആഘോഷിക്കുന്നതിന്‍റെ യുഗമാണ്, പറക്കുന്ന കലയുടെ യുഗമാണ്. ബ്രാഹ്മണ ജീവിതം മിലനം ചെയ്യാനും ആഘോഷിക്കാനുമുള്ളതാണ്. ഇതേ വിധിയിലൂടെ സദാ കര്‍മ്മം ചെയ്തു കൊണ്ട് കര്‍മ്മ ബന്ധനത്തില്‍ നിന്നും മുക്തരായി കര്‍മ്മാതീത സ്ഥിതിയുടെ അനുഭവം ചെയ്യുന്നു. കര്‍മ്മത്തിന്‍റെ ബന്ധനത്തില്‍ വരുന്നില്ല എന്നാല്‍ സദാ ബാബയുടെ സര്‍വ്വ സംബന്ധത്തില്‍ വസിക്കുന്നു. ചെയ്യിപ്പിക്കുന്നവനായ ബാബ നിമിത്തമായി ചെയ്യിച്ചു കൊണ്ടിരിക്കുന്നു. അതിനാല്‍ സ്വയം സാക്ഷിയായി, അതിനാല്‍ ഈ സംബന്ധത്തിന്‍റെ സ്മൃതി ബന്ധനമുക്തമാക്കുന്നു. സംബന്ധത്തിലൂടെ ചെയ്യുന്നയിടത്ത്  ബന്ധനമുണ്ടാകില്ല. ഞാന്‍ ചെയ്തു എന്ന് ചിന്തിക്കുമ്പോള്‍ സംബന്ധം മറന്നു, ബന്ധനമായി. സംഗമയുഗം ബന്ധന–മുക്തം, സര്‍വ്വ സംബന്ധ–മുക്തം, ജീവന്‍മുക്ത സ്ഥിതിയുടെ അനുഭവത്തിന്‍റെ യുഗമാണ്. അതിനാല്‍ ചെക്ക് ചെയ്യൂ– സംബന്ധത്തിലാണോ വസിക്കുന്നത് അതോ ബന്ധനത്തില്‍ വരുന്നുണ്ടോ? സംബന്ധത്തില്‍ സ്നേഹം കാരണം പ്രാപ്തിയാണ്, ബന്ധനത്തില്‍ ആകര്‍ഷണവും, ടെന്‍ഷന്‍ കാരണം ദുഃഖവും അശാന്തിയുടെ ചഞ്ചലതയുമാണ് അതിനാല്‍ ബാബ ബിന്ദുവിന്‍റെ മഹത്വത്തെ കുറിച്ചു പറഞ്ഞു തന്നപ്പോള്‍ ദേഹത്തിന്‍റെ ബന്ധനവും സമാപ്തമായി. ദേഹം നിങ്ങളുടേതല്ല.ബാബയ്ക്ക് നല്കി അപ്പോള്‍ ബാബയുടേതായി. ഇപ്പോള്‍ നിങ്ങളുടെ സ്വ ബന്ധനം, എന്‍റെ ശരീരം അഥവാ എന്‍റെ ദേഹം– ഈ ബന്ധനം സമാപ്തമായി. എന്‍റെ ദേഹം എന്ന് പറയുമോ, നിങ്ങള്‍ക്ക് അധികാരമുണ്ടോ? നല്കിയിട്ടുള്ള വസ്തുവില്‍ നിങ്ങള്‍ക്ക് എങ്ങനെ അധികാരം ഉണ്ടായി? നല്കി കഴിഞ്ഞോ അതോ മാറ്റി വച്ചിട്ടുണ്ടോ? പറയുന്നത് ബാബയുടേതെന്നും, കരുതുന്നത് എന്‍റേതെന്നും, അങ്ങനെയല്ലല്ലോ!

നിന്‍റെ എന്ന് പറഞ്ഞുവെങ്കില്‍ എന്‍റെ എന്ന ബന്ധനം സമാപ്തമായി. ഈ പരിധിയുള്ള എന്‍റേത്, മോഹത്തിന്‍റെ ചരടാണ്. ചരടെന്ന് പറയാം, ചങ്ങലയെന്ന് പറയാം, നൂലെന്ന് പറയാം, ഇത് ബന്ധനത്തില്‍ ബന്ധിപ്പിക്കുന്നു. സര്‍വ്വതും ബാബയുടേതാണ് എന്ന സംബന്ധം യോജിപ്പിച്ചുവെങ്കില്‍ ബന്ധനം സമാപ്തമായി സംബന്ധമായി തീരുന്നു. ഏതൊരു പ്രകാരത്തിലുമുള്ള ബന്ധനം ദേഹത്തിന്‍റെ, സ്വഭാവത്തിന്‍റെ, സംസ്ക്കാരത്തിന്‍റെ, മനസ്സിന്‍റെ….. ഈ ബന്ധനം തെളിയിക്കുന്നത് ബാബയുമായി സര്‍വ്വ സംബന്ധത്തിന്‍റെ, സദാ സംബന്ധത്തിന്‍റെ കുറവുണ്ട് എന്നാണ്. ചില കുട്ടികള്‍ സദാ സര്‍വ്വ സംബന്ധത്തില്‍ ബന്ധനമുക്തരായിട്ടിരിക്കുന്നു, ചില കുട്ടികള്‍ സമയത്തിനനുസരിച്ച് ആവശ്യത്തിന് വേണ്ടി സംബന്ധം യോജിപ്പിക്കുന്നു, അതിനാല്‍ ബ്രാഹ്മണ ജീവിതത്തിന്‍റെ അലൗകീക ആത്മീയ ആനന്ദം അനുഭവിക്കുന്നതില്‍ നിന്നും വഞ്ചിക്കപ്പെടുന്നു. സ്വയം സ്വയത്തില്‍ നിന്നും, മറ്റുള്ളവരില്‍ നിന്നും സന്തുഷ്ടതയുടെ ആശീര്‍വാദം നേടാന്‍ സാധിക്കുന്നില്ല. ബ്രാഹ്മണ ജീവിതം. ശ്രേഷ്ഠമായ സംബന്ധങ്ങളുടെ ജീവിതം ബാബയുടെയും സര്‍വ്വ ബ്രാഹ്മണപരിവാരത്തിന്‍റേയും ആശീര്‍വ്വാദം നേടുന്നതിനുള്ള ജീവിതമാണ്. ആശീര്‍വ്വാദം അര്‍ത്ഥം ശുഭ ഭാവന, ശുഭ കാമന. നിങ്ങള്‍ ബ്രാഹ്മണരുടെ ജീവിതം തന്നെ ബാപ്ദാദയുടെ ആശീര്‍വ്വാദത്തിന്‍റെയും വരദാനത്തിന്‍റെയും ആധാരത്തിലാണ് ഉണ്ടായത്. ബാബ പറഞ്ഞു നിങ്ങള്‍ ഭാഗ്യശാലി ശ്രേഷ്ഠമായ വിശേഷ ആത്മാവാണ്, ഈ സ്മൃതിയാകുന്ന ആശീര്‍വ്വാദം അഥവാ വരദാനത്തിലൂടെ ശുഭ ഭാവന, ശുഭ കാമനയിലൂടെ നിങ്ങള്‍ ബ്രാഹ്മണരുടെ പുതു ജീവിതം, പുതു ജന്മം ഉണ്ടായി. സദാ ആശീര്‍വ്വാദം എടുത്തു കൊണ്ടേയിരിക്കണം. ഇത് തന്നെയാണ് സംഗമയുഗത്തിന്‍റെ വിശേഷത. എന്നാല്‍ ഇതിന്‍റെയെല്ലാം ആധാരം സര്‍വ്വ ശ്രേഷ്ഠമായ സംബന്ധമാണ്. സംബന്ധം എന്‍റെ എന്‍റെ എന്നുള്ള ചങ്ങലകളെ, ബന്ധനത്തെ സെക്കന്‍റില്‍ സമാപ്തമാക്കുന്നു. സംബന്ധത്തിന്‍റെ ആദ്യത്തെ സ്വരൂപം സഹജമായ കാര്യമാണ്– ബാബയും ബിന്ദു, ഞാനും ബിന്ദു, സര്‍വ്വ ആത്മാക്കളും ബിന്ദു. അതിനാല്‍ ബിന്ദുവിന്‍റെയും മഹത്വമായില്ലേ. ഈ ബിന്ദുവില്‍ ജ്ഞാനത്തിന്‍റെ സിന്ധു അടങ്ങിയിട്ടുണ്ട്. ലോകത്തിന്‍റെ കണക്കില്‍ ബിന്ദു 10 നെ 100ആക്കുന്നു, 100നെ 1000 മാക്കുന്നു. ബിന്ദുവിട്ടു കൊണ്ടിരിക്കുകയാണെങ്കില്‍ സംഖ്യ വര്‍ദ്ധിക്കുന്നു. അപ്പോള്‍ എത്ര മഹത്വമായി? അതേപോലെ ബ്രാഹ്മണ ജീവിതത്തില്‍ സര്‍വ്വ പ്രാപ്തിയുടെ ആധാരം ബിന്ദുവാണ്.

വിദ്യാഭ്യാസമില്ലാത്തവര്‍ക്കും ബിന്ദുവിനെ സഹജമായി മനസ്സിലാക്കാം. ആര് എത്ര തന്നെ ബിസിയാണെങ്കിലും, ആരോഗ്യശാലിയല്ലായെങ്കിലും, ബുദ്ധി ശക്തിഹീനമാണെങ്കിലും ബിന്ദുവിന്‍റെ കണക്ക് മനസ്സിലാക്കാന്‍ സാധിക്കും. മാതാക്കളും കണക്കില്‍ സമര്‍ത്ഥരല്ലേ. അതിനാല്‍ ബിന്ദുവിന്‍റെ കണക്കിനെ സദാ ഓര്‍മ്മിക്കൂ. ശരി.

സര്‍വ്വ സ്ഥാനങ്ങളില്‍ നിന്നും തന്‍റെ സ്വീറ്റ് ഹോമില്‍ എത്തി ചേര്‍ന്നു. ബാപ്ദാദയും സര്‍വ്വ കുട്ടികള്‍ക്കും തന്‍റെ ഭാഗ്യത്തെ ഉണ്ടാക്കുന്നതിനുള്ള ആശംസകള്‍ നല്കുന്നു. തന്‍റെ വീട്ടില്‍ എത്തി ചേര്‍ന്നു. ഇത് തന്നെയാണ് തന്‍റെ വീട്. ദാതാവിന്‍റെ വീട്. തന്‍റെ വീട് ആത്മാവിനും ശരീരത്തിനും വിശ്രമം നല്കുന്നതിനുള്ള വീടാണ്. വിശ്രമം ലഭിച്ചു കൊണ്ടിരിക്കുകയല്ലേ. ഡബിള്‍ പ്രാപ്തിയാണ്. വിശ്രമവും ലഭിക്കുന്നു, രാമനെയും ലഭിക്കുന്നു. അപ്പോള്‍ ഡബിള്‍ പ്രാപ്തിയായി. കുട്ടികള്‍ ബാബയുടെ വീടിന്‍റെ അലങ്കാരമാണ്. ബാപ്ദാദ വീടിന്‍റെ അലങ്കാരമായ കുട്ടികളെ കണ്ടു കൊണ്ടിരിക്കുകയാണ്. ശരി.

സദാ സര്‍വ്വ സംബന്ധത്തിലൂടെ ബന്ധനമുക്തരും, കര്‍മ്മാതീത സ്ഥിതിയുടെ അനുഭവം ചെയ്യുന്ന, സദാ ബിന്ദുവിന്‍റെ മഹത്വത്തെ മനസ്സിലാക്കി മഹാനായി തീരുന്ന, സദാ സര്‍വ്വ ആത്മാക്കളിലൂടെ സന്തുഷ്ടതയുടെ ശുഭ ഭാവന, ശുഭ കാമനയുടെ ആശീര്‍വ്വാദം നേടുന്ന, സര്‍വ്വര്‍ക്കും ആശീര്‍വ്വാദം നല്കുന്ന, സദാ സ്വയത്തെ സാക്ഷിയാണെന്ന് മനസ്സിലാക്കി നിമിത്ത ഭാവത്തോടെ കര്‍മ്മം ചെയ്യുന്ന, അങ്ങനെയുള്ള സദാ അലൗകീക ആത്മീയ ആനന്ദം ആഘോഷിക്കുന്ന, സദാ ആനന്ദത്തിന്‍റെ ജീവിതം നയിക്കുന്ന, ഭാരത്തെ സമാപ്തമാക്കുന്ന, സദാ ഭാഗ്യശാലി ആത്മാക്കള്‍ക്ക് ഭാഗ്യവിധാതാവായ ബാബയുടെ സ്നേഹ സ്മരണയും നമസ്തേയും.

ദാദിമാരോട്– സമയം തീവ്രഗതിയില്‍ പൊയ്ക്കൊണ്ടിരിക്കുന്നുണ്ട്. സമയം തീവ്രമായി പോകുന്നത് പോലെ സര്‍വ്വ ബ്രാഹ്മണരും തീവ്രമായി പറക്കുന്നു. അത്രയും ഭാരരഹിതവും ഡബിള്‍ ലൈറ്റുമായോ? ഇപ്പോള്‍ വിശേഷിച്ചും പറപ്പിക്കുന്നതിനുള്ള സേവനമാണ്. അങ്ങനെ പറപ്പിക്കുന്നുണ്ടോ? ഏത് വിധിയിലൂടെ സര്‍വ്വരെയും പറപ്പിക്കണം? ക്ലാസ്സ് കേട്ട് കേട്ട്, ക്ലാസ്സ് എടുക്കുന്നവരായി തീര്‍ന്നു. ഏത് വിഷയം നിങ്ങള്‍ ആരംഭിക്കുമ്പോഴും, അതിനേക്കാള്‍ മുമ്പ് ആ വിഷയത്തിന്‍റെ പോയിന്‍റ്സ് സര്‍വ്വരുടെയുമടുത്ത് ഉണ്ടാകും. അതിനാല്‍ ഏതൊരു വിധിയിലൂടെ പറപ്പിക്കണം, ഇതിനുള്ള പ്ലാന്‍ എന്ത്? ഇപ്പോള്‍ ഭാരരഹിതമാക്കുന്നതിനുള്ള വിധി വേണം.ഈ ഭാരം തന്നെയാണ് മുകളിലേക്കും താഴേക്കും കൊണ്ടു പോകുന്നത്. ഓരോരുത്തര്‍ക്കും വ്യത്യസ്ത ഭാരമാണ്. സ്വയത്തിന്‍റെ സംസ്ക്കാരങ്ങളുടെ ഭാരം, സംഘടനയുടെ ഭാരം…. എന്നാല്‍ ഭാരം പറക്കാന്‍ അനുവദിക്കില്ല. ഇപ്പോള്‍ ചിലര്‍ പറക്കുന്നുണ്ടെങ്കിലും മറ്റുള്ളവരുടെ സഹയോഗത്തിലൂടെ. ഏതു പോലെ കളിപ്പാട്ടത്തെ മുകളിലേക്ക് പറപ്പിക്കുന്നു, പിന്നെന്ത് സംഭവിക്കുന്നു?പറന്ന് താഴേക്ക് വരുന്നു. തീര്‍ച്ചയായും പറക്കുന്നുണ്ട്, എന്നാല്‍ സദാ പറക്കുന്നില്ല. ഇപ്പോള്‍ സര്‍വ്വ ബ്രാഹ്മണ ആത്മാക്കളും പറക്കണം എന്നാലേ ആത്മാക്കളെ പറപ്പിച്ച് ബാബയുടെയടുത്ത് എത്തിക്കാന്‍ സാധിക്കൂ. ഇപ്പോള്‍ പറക്കുക, പറപ്പിക്കുക ഇതല്ലാതെ മറ്റൊരു വിധിയുമില്ല. പറക്കുന്ന ഗതി തന്നെയാണ് വിധി. കാര്യം എത്രയുണ്ട്, സമയം എത്ര? 

 ഇപ്പോള്‍ കുറഞ്ഞത് 9ലക്ഷം ബ്രാഹ്മണര്‍ ആദ്യം ഉണ്ടായിരിക്കണം. കൂടുതല്‍ സംഖ്യയുണ്ടായിരിക്കും എന്നാല്‍ മുഴുവന്‍ വിശ്വത്തിലും രാജ്യം ഭരിക്കണമെങ്കില്‍ കുറഞ്ഞത് 9ലക്ഷം പേരെങ്കിലും ഉണ്ടാകണം. സമയത്തിനനുസരിച്ച് ശ്രേഷ്ഠ വിധി ഉണ്ടാകണം. ശ്രേഷ്ഠമായ വിധിയാണ് പറപ്പിക്കുന്നതിനുള്ള വിധി. അതിന്‍റെ പ്ലാന്‍ ഉണ്ടാക്കൂ. ചെറിയ ചെറിയ സംഘടനയെ തയ്യാറാക്കൂ. അവ്യക്ത പാര്‍ട്ടിന്‍റെ എത്ര വര്‍ഷങ്ങള്‍ കഴിഞ്ഞു. സാകാര പാലന, അവ്യക്ത പാലന എത്ര സമയം കഴിഞ്ഞു. ഇപ്പോള്‍ എന്തെങ്കിലും നവീനത കാണിക്കണ്ടേ. പ്ലാന്‍ ഉണ്ടാക്കൂ. ഇപ്പോള്‍ പറക്കുന്നതിന്‍റെയും താഴേക്ക് വരുന്നതിന്‍റെയും ചക്രം പൂര്‍ത്തിയാകണം. 84 ജന്മം, 84ന്‍റെ ചക്രം എന്ന് പറയാറുണ്ട്. അതിനാല്‍ 84ല്‍ ഈ ചക്രം പൂര്‍ത്തിയാകുമ്പോള്‍ സ്വദര്‍ശന ചക്രം ദൂരെ നിന്നേ ആത്മാക്കളെ സമീപത്ത് കൊണ്ടു വരും. സ്മരണയായി എന്താണ് കാണിക്കുന്നത്? ഒരു സ്ഥലത്തിരുന്ന് ചക്രം അയച്ചു, ആ സ്വദര്‍ശന ചക്രം സ്വയം തന്നെ ആത്മാക്കളെ സമീപത്തേക്ക് കൊണ്ടു വന്നു. സ്വയം പോകുന്നില്ല, ചക്രത്തെ ചലിപ്പിക്കുന്നു. അതിനാല്‍ ആദ്യം ഈ ചക്രം പൂര്‍ത്തിയാകണം എങ്കിലേ സ്വദര്‍ശന ചക്രം പ്രവര്‍ത്തിക്കൂ. അതിനാല്‍ ഇപ്പോള്‍ 84ല്‍ ഈ വിധിയെ സ്വന്തമാക്കൂ, സര്‍വ്വ പരിധിയുള്ള ചക്രം സമാപ്തമാകണം, അങ്ങനെയല്ലേ ചിന്തിച്ചിരിക്കുന്നത്. ശരി. 

 ടീച്ചേഴ്സിനോട്–

ടീച്ചേഴ്സ് പറക്കുന്ന കലയുള്ളവരാണ്. നിമിത്തമാകുക– ഇത് തന്നെയാണ് പറക്കുന്ന കലയുടെ മാര്‍ഗ്ഗം. അതിനാല്‍ നിമിത്തമായി അര്‍ത്ഥം ഡ്രാമയനുസരിച്ച് പറക്കുന്ന കലയുടെ മാര്‍ഗ്ഗം ലഭിച്ചു. ഇതേ വിധിയിലൂടെ സദാ സിദ്ധിയെ പ്രാപ്തമാക്കുന്ന ശ്രേഷ്ഠ ആത്മാക്കളാണ്. നിമിത്തമാകുക തന്നെയാണ് ലിഫ്റ്റ്. അതിനാല്‍ ലിഫ്റ്റിലൂടെ സെക്കന്‍റില്‍ എത്തി ചേരുന്നവര്‍ പറക്കുന്ന കലയുള്ളവരായി. ഉയരുന്ന കലയിലുള്ളവരല്ല, ചലിക്കുന്നവരുമല്ല, എന്നാല്‍ ചലിക്കുന്നതില്‍ നിന്നും രക്ഷിക്കുന്നവര്‍. അഗ്നിയില്‍ വീഴുന്നവരല്ല, എന്നാല്‍ അഗ്നിയെ ശമിപ്പിക്കുന്നവരാണ്. അതു കൊണ്ട് നിമിത്തത്തിന്‍റെ വിധിയിലൂടെ സിദ്ധിയെ പ്രാപ്തമാക്കൂ. ടീച്ചേഴ്സിന്‍റെ അര്‍ത്ഥം തന്നെ നിമിത്ത ഭാവം എന്നാണ്. ഈ നിമിത്ത ഭാവം തന്നെയാണ് സര്‍വ്വ ഫലത്തിന്‍റെ പ്രാപ്തി സ്വതവേ ചെയ്യിക്കുന്നത്. ശരി.

 അവ്യക്ത മഹാവാക്യം – കര്‍മ്മബന്ധനമുക്ത കര്‍മ്മാതീതം, വിദേഹിയാകൂ

വിദേഹി അഥവാ കര്‍മ്മാതീത സ്ഥിതിയുടെ അനുഭവം ചെയ്യുന്നതിന് പരിധിയുള്ള എന്‍റെ, എന്‍റെ എന്നതിന്‍റെ ദേഹാഭിമാനത്തില്‍ നിന്നും മുക്തമാകൂ. ലൗകീകവും, അലൗകീകവും, കര്‍മ്മവും സംബന്ധവും രണ്ടിലും സ്വാര്‍ത്ഥ ഭാവത്തില്‍ നിന്നും മുക്തമാകൂ. മുന്‍ ജന്മങ്ങളുടെ കര്‍മ്മകണക്ക് അഥവാ വര്‍ത്തമാന പുരുഷാര്‍ത്ഥത്തിന്‍റെ കുറവുകള്‍ കാരണം ഏതെങ്കിലും വ്യര്‍ത്ഥ സ്വഭാവ–സംസ്ക്കാരങ്ങള്‍ക്ക് വശപ്പെടുന്നതില്‍ നിന്നും മുക്തമാകൂ. ഏതെങ്കിലും സേവനം ചെയ്തു– സംഘടനയുടെ, പ്രകൃതിയുടെ പരിതസ്ഥിതി സ്വസ്ഥിതിയെ കുലുക്കുന്നുവെങ്കില്‍ ഇതും ബന്ധനമുക്ത സ്ഥിതിയല്ല. ഈ ബന്ധനത്തില്‍ നിന്നു പോലും മുക്തമാകൂ. പഴയ ലോകത്തില്‍ പഴയ അന്തിമ ശരീരത്തില്‍ ഏതൊരു പ്രകാരത്തിലുമുള്ള രോഗം തന്‍റെ ശ്രേഷ്ഠമായ സ്ഥിതിയെ ചഞ്ചലമാക്കരുത്– ഇതില്‍ നിന്നു പോലും മുക്തമാകൂ. രോഗം വരുന്നത് ഡ്രാമയാണ് എന്നാല്‍ സ്ഥിതി കുലുങ്ങുക ഇത് ബന്ധനയുക്തരുടെ ലക്ഷണമാണ്. സ്വചിന്തനം, ജ്ഞാനചിന്തനം, ശുഭചിന്തകരാകുന്നതിന്‍റെ ചിന്തനത്തിനു പകരം രോഗത്തിന്‍റെ ചിന്തനം ചെയ്യുക–ഇതില്‍ നിന്ന് മുക്തരാകൂ– ഇതിനെ തന്നെയാണ് കര്‍മ്മാതീത സ്ഥിതിയെന്ന് പറയുന്നത്. 

കര്‍മ്മയോഗിയായി കര്‍മ്മത്തിന്‍റെ ബന്ധനത്തില്‍ നിന്ന് സദാ നിര്‍മ്മോഹി, സദാ ബാബയുടെ പ്രിയപ്പെട്ടവരാകൂ– ഇത് തന്നെയാണ് കര്‍മ്മാതീത വിദേഹി സ്ഥിതി. കര്‍മ്മത്തില്‍ നിന്നും അതീതമാകുക എന്നതല്ല കര്‍മ്മാതീത സ്ഥിതി. കര്‍മ്മത്തില്‍ നിന്നും വേറിട്ടവരല്ല, കര്‍മ്മത്തിന്‍റെ ബന്ധനത്തില്‍ കുടുങ്ങുന്നതില്‍ നിന്നും വേറിട്ടവരാകൂ. എത്ര തന്നെ വലിയ കാര്യമായിക്കോട്ടെ എന്നാല്‍ കളിയായി തോന്നണം, കാര്യമായി തോന്നരുത്. എന്ത് പരിതസ്ഥിതിയാണെങ്കിലും, കര്‍മ്മകണക്ക് തീര്‍ക്കുന്ന ആത്മാവ് മുന്നില്‍ വന്നാലും, ശരീരത്തിന്‍റെ കര്‍മ്മകണക്ക് വന്നാലും പരിധിയുള്ള കാമനയില്‍ നിന്നും മുക്തമായിരിക്കുക തന്നെയാണ് വിദേഹി സ്ഥിതി. ദേഹമുള്ളയിടത്തോളം കര്‍മ്മേന്ദ്രിയങ്ങളിലൂടെ ഈ കര്‍മ്മ ക്ഷേത്രത്തില്‍ പാര്‍ട്ടഭിനയിച്ചു കൊണ്ടിരിക്കുന്നു, അതു വരെ കര്‍മ്മം ചെയ്യാതെ ഒരു സെക്കന്‍റ് പോലുമിരിക്കാന്‍ സാധിക്കില്ല എന്നാല്‍ കര്‍മ്മം ചെയ്തു കൊണ്ടും, കര്‍മ്മത്തിന്‍റെ ബന്ധനത്തില്‍ നിന്നുപരിയായിരിക്കുക തന്നെയാണ് കര്‍മ്മാതീത വിദേഹി സ്ഥിതി. അതിനാല്‍ കര്‍മ്മേന്ദ്രിയങ്ങളിലൂടെ കര്‍മ്മത്തിന്‍റെ സംബന്ധത്തില്‍ വരിക, കര്‍മ്മത്തിന്‍റെ ബന്ധനത്തില്‍ ബന്ധിക്കപ്പെടരുത്. കര്‍മ്മത്തിന്‍റെ വിനാശി ഫലത്തിന്‍റെ ഇച്ഛയ്ക്ക് വശപ്പെടരുത്. കര്‍മ്മാതീതം അര്‍ത്ഥം കര്‍മ്മത്തിന് വശപ്പെടുന്നവരല്ല എന്നാല്‍ അധികാരിയായി കര്‍മ്മേന്ദ്രിയങ്ങളുടെ സംബന്ധത്തില്‍ വരുക, വിനാശി കാമനയില്‍ നിന്നുപരിയായി കര്‍മ്മേന്ദ്രിയങ്ങളിലൂടെ കര്‍മ്മം ചെയ്യിക്കണം. ആത്മാവായ അധികാരിയെ കര്‍മ്മത്തിന് തന്‍റെ അധീനമാക്കാന്‍ സാധിക്കരുത് എന്നാല്‍ അധികാരിയായി കര്‍മ്മം ചെയ്തു കൊണ്ടിരിക്കണം. ചെയ്യിപ്പിക്കുന്നവനായി കര്‍മ്മം ചെയ്യിക്കമം– ഇതിനെയാണ് കര്‍മ്മത്തിന്‍റെ സംബന്ധത്തില്‍ വരുക എന്ന് പറയുന്നത്. കര്‍മ്മാതീത ആത്മാവ് സംബന്ധത്തില്‍ വരുന്നു, ബന്ധനത്തിലല്ല. 

കര്‍മ്മാതീതം അര്‍ത്ഥം ദേഹം, ദേഹത്തിന്‍റെ സംബന്ധം, പദാര്‍ത്ഥം, ലൗകീകം അഥവാ അലൗകീകം രണ്ട് സംബന്ധങ്ങളില്‍ നിന്നും, ബന്ധനത്തില്‍ നിന്നും അതീതം അര്‍ത്ഥം നിര്‍മ്മോഹി. സംബന്ധം എന്ന ശബ്ദം പറയുമ്പോള്‍- ദേഹത്തിന്‍റെ സംബന്ധം, ദേഹത്തിന്‍റെ സംബന്ധികളുടെ സംബന്ധം എന്ന് പറയുന്നു എന്നാല്‍ ദേഹത്തിലോ സംബന്ധത്തിലോ അധീനതയുണ്ടെങ്കില്‍ സംബന്ധം പോലും ബന്ധനമായി തീരുന്നു. കര്‍മ്മാതീത അവസ്ഥയില്‍ കര്‍മ്മസംബന്ധത്തിന്‍റെയും കര്‍മ്മബന്ധനത്തിന്‍റെയും രഹസ്യത്തെ മനസ്സിലാക്കുന്നത് കാരണം സദാ ഓരോ കാര്യത്തിലും സന്തുഷ്ടരായിരിക്കും. ഒരിക്കലും നിരാശരാകില്ല. അവര്‍ തന്‍റെ മുന്‍ കര്‍മ്മകണക്കിന്‍റെ ബന്ധനത്തില്‍ നിന്നു പോലും മുക്തരായിരിക്കും. മുന്‍ ജന്മത്തിലെ കര്‍മ്മകണക്കിന്‍റെ ഫലമായി രോഗം വന്നാലും, മനസ്സിന്‍റെ സംസ്ക്കാരം അന്യ ആത്മാക്കളുടെ സംസ്ക്കാരങ്ങളുമായി ഉരസലുണ്ടാകുന്നുണ്ടെങ്കിലും  കര്‍മ്മാതീതം, കര്‍മ്മകണക്കിന് വശപ്പെടാതെ അധികാരിയായി അതിനെ സമാപ്തമാക്കും. കര്‍മ്മയോഗിയായി കര്‍മ്മകണക്കിനെ സമാപ്തമാക്കുക– ഇതാണ് കര്‍മ്മാതീതമാകുന്നതിന്‍റെ ലക്ഷണം. യോഗത്തിലൂടെ കര്‍മ്മകണക്കിനെ പുഞ്ചിരിച്ച് കഴുവ് മരം പോലുള്ളതിനെ മുള്ളാക്കി ഭസ്മമാക്കുക അര്‍ത്ഥം രോഗത്തെ സമാപ്തമാക്കുക. കര്‍മ്മയോഗത്തിന്‍റെ സ്ഥിതിയിലൂടെ കര്‍മ്മകണക്കിനെ പരിവര്‍ത്തനപ്പെടുത്തുക– ഇത് തന്നെയാണ് കര്‍മ്മാതീത സ്ഥിതി. വ്യര്‍ത്ഥ സങ്കല്പം തന്നെയാണ് കര്‍മ്മബന്ധനത്തിന്‍റെ സൂക്ഷ്മ ചരടുകള്‍. കര്‍മ്മാതീത ആത്മാവ് മോശമായതില്‍ പോലും നല്ലതിന്‍റെ അനുഭവം ചെയ്യുന്നു. അവര്‍ പറയും– സംഭവിക്കുന്നത് നല്ലതിന്, ഞാനും നല്ലത്, ബാബയും നല്ലത്, ഡ്രാമയും നല്ലത്. ഈ സങ്കല്പം ബന്ധനത്തെ മുറിക്കുന്ന കത്രികയായി തീരുന്നു. ബന്ധനം മുറിഞ്ഞുവെങ്കില്‍ കര്‍മ്മാതീതമായി തീരുന്നു. 

 വിദേഹി സ്ഥിതിയുടെ അനുഭവം ചെയ്യുന്നതിന് ഇച്ഛാ മാത്രം അവിദ്യയാകൂ. അങ്ങനെയുള്ള പരിധിയുള്ള ഇച്ഛകളില്‍ നിന്നും മുക്തമായ ആത്മാവ് സര്‍വ്വരുടെയും ഇച്ഛകളെ പൂര്‍ത്തീകരിക്കുന്ന ബാബയ്ക്ക് സമാനം– കാമധേനു ആകും. ഏതു പോലെ ബാബയുടെ സര്‍വ്വ ഖജനാക്കള്‍ സമ്പന്നമാണ്, അപ്രാപ്തിയുടെ പേരോ അടയാളമോയില്ല. അതേപോലെ ബാബയ്ക്ക് സമാനം സദാ സര്‍വ്വ ഖജനാക്കള്‍ കൊണ്ട് സമ്പന്നരാകൂ. സൃഷ്ടി ചക്രത്തില്‍ പാര്‍ട്ടഭിനയിച്ചും അനേകം ദുഃഖത്തിന്‍റെ ബന്ധനങ്ങളില്‍ നിന്നും മുക്തമായിരിക്കുക– ഇത് തന്നെയാണ് ജീവന്‍മുക്ത സ്ഥിതി. അങ്ങനെയുള്ള സ്ഥിതിയുടെ അനുഭവം ചെയ്യുന്നതിന് അധികാരിയായി, സര്‍വ്വ കര്‍മ്മേന്ദ്രിയങ്ങളിലൂടെ കര്‍മ്മം ചെയ്യിക്കുന്നവരാകൂ. കര്‍മ്മത്തില്‍ വരൂ, കര്‍മ്മം പൂര്‍ത്തിയാകുമ്പോള്‍ തന്നെ നിര്‍മ്മോഹിയാകൂ– ഇത് തന്നെയാണ് വിദേഹി സ്ഥിതിയുടെ അഭ്യാസം.

വരദാനം– എന്‍റെ എന്നതിനെ നിന്‍റെ എന്നതില്‍ പരിവര്‍ത്തനപ്പെടുത്തി പറക്കുന്ന കലയുടെ അനുഭവം ചെയ്യുന്ന ഡബിള്‍ ലൈറ്റായി ഭവിക്കട്ടെ.

ഈ വിനാശി ധനവും ശരീരവും, പഴയ മനസ്സും എന്‍റേതല്ല, ബാബയ്ക്ക് നല്കി. ആദ്യത്തെ സങ്കല്പം തന്നെയാണ്– സര്‍വ്വതും നിന്‍റെ…. ഇതില്‍ ബാബയ്ക്ക് നേട്ടമില്ല, നിങ്ങള്‍ക്കാണ് നേട്ടം കാരണം എന്‍റെ എന്ന് പറയുമ്പോള്‍ കുടുങ്ങുന്നു നിന്‍റെ എന്ന് പറയുമ്പോള്‍ നിര്‍മ്മോഹിയായി തീരുന്നു. എന്‍റെ എന്ന് പറയുന്നതിലൂടെ ഭാരമുള്ളവരായി മാറുന്നു, നിന്‍റെ എന്ന് പറയുമ്പോള്‍ ഡബിള്‍ ലൈറ്റ്, ട്രസ്റ്റിയായി തീരുന്നു. ഭാരരഹിതമാകാതെ ഉയര്‍ന്ന സ്ഥിതിയിലെത്താന്‍ സാധിക്കില്ല. ഭാരരഹിതരായിരിക്കുന്നവര്‍ തന്നെയാണ് പറക്കുന്ന കലയിലൂടെ ആനന്ദത്തിന്‍റെ അനുഭവം ചെയ്യുന്നത്. ഭാരരഹിതമായിരിക്കുന്നതില്‍ തന്നെയാണ് ആനന്ദം.

സ്ലോഗന്‍- ആരിലാണോ ഏതൊരു വ്യക്തിക്കോ പ്രകൃതിക്കോ അതിന്‍റെ പ്രഭാവം കൊണ്ടുവരാന്‍ സാധിക്കാത്തത് അവരാണ് ശക്തിശാലി ആത്മാവ്.