ഇന്ന് ബാപ്ദാദ കുട്ടികളുടെ മിലനത്തിന്‍റെ താല്പര്യത്തെ കണ്ടു കൊണ്ടിരിക്കുകയായിരുന്നു. സര്‍വ്വരും ദൂരെ ദൂരെ നിന്ന് എന്തിന് വന്നിരിക്കുന്നു? മിലനം ആഘോഷിക്കുന്നതിന് അര്‍ത്ഥം മേളയില്‍ വന്നിരിക്കുന്നു. ഈ ആത്മീയ മേള വിചിത്രമായ മേളയാണ്, വിചിത്രരായ ആത്മാക്കള്‍ വിചിത്രമായ ബാബയുമായി മിലനം ചെയ്യുന്നു. ഇത് സാഗരവും നദികളും തമ്മിലുള്ള മിലനമാണ്. ഈശ്വരീയ പരിവാരവുമായി മിലനം ചെയ്യുന്നതിനുള്ള മേളയാണ്. ഈയൊരു പ്രാവശ്യത്തെ മേള, അനേക പ്രാവശ്യത്തെ സര്‍വ്വ പ്രാപ്തി ചെയ്യുന്നതിനുള്ള മേളയാണ്. ഈ മേളയില്‍ തുറന്ന ഖജനാവാണ് ഉള്ളത്. ആര്‍ക്ക് ഏത് ഖജനാവ് വേണോ, എത്ര വേണോ അത്രയും യാതൊരു ചിലവില്ലാതെ അധികാരത്തോടെ നേടാന്‍ സാധിക്കും. ലോട്ടറിയുമാണ്. ഭാഗ്യത്തിന്‍റെ എത്ര ശ്രേഷ്ഠമായ ലോട്ടറി നേടാന്‍ ആഗ്രഹിക്കുന്നുവൊ അത്രയും നേടാന്‍ സാധിക്കും. ഇപ്പോള്‍ ലോട്ടറിയെടുത്ത് പിന്നീട് നമ്പറ് ലഭിക്കും, അങ്ങനെയല്ല. ഇപ്പോള്‍ എത്ര നേടാനാഗ്രഹിക്കുന്നുവൊ, എത്ര തന്നെ ഭാഗ്യത്തിന്‍റെ രേഖ ദൃഢ സങ്കല്പത്തിലൂടെ വരയ്ക്കാന്‍ ആഗ്രഹിക്കുന്നുവൊ അത്രയും വരയ്ക്കാന്‍ സാധിക്കും. സെക്കന്‍റില്‍ ലോട്ടറി നേടാന്‍ സാധിക്കും. ഈ മേളയിലൂടെ ജന്മ ജന്മാന്തരങ്ങളിലേക്കുള്ള രാജ്യ പദവിയുടെ അധികാരം പ്രാപ്തമാക്കാം അര്‍ത്ഥം ഈ മേളയില്‍ രാജയോഗി തന്നെ ജന്മ ജന്മങ്ങളിലെ വിശ്വ രാജാവാകാന്‍ സാധിക്കും. എത്ര വലിയ പ്രാപ്തിയുടെ സീറ്റ് വേണമെങ്കിലും ബുക്ക് ചെയ്യാന്‍ സാധിക്കും. ഈ മേളയില്‍ വിശേഷിച്ച് സര്‍വ്വര്‍ക്കും ഒരു സുവര്‍ണ്ണാവസരവും ലഭിക്കുന്നു. ആ സുവര്‍ണ്ണാവസരമാണ്- ഹൃദയം കൊണ്ട് എന്‍റെ ബാബ എന്ന് പറയൂ, ബാബയുടെ ഹൃദയ സിംഹാസനസ്തരാകൂ. ഈ മേളയില്‍ ഒരു വിശേഷ ഉപഹാരവും ലഭിക്കുന്നു- ആ ഉപഹാരമാണ്- സുഖിയും സമ്പന്നവുമായ ചെറിയ ലോകം. ആ ലോകത്തില്‍ ആഗ്രഹിക്കുന്നതെല്ലാം സദാ പ്രാപ്തമാകുന്നു. ആ ചെറിയ ലോകം, ബാബയില്‍ തന്നെയാണ് ലോകം. ഈ ലോകത്തില്‍ വസിക്കുന്നവര്‍ സദാ പ്രാപ്തികളുടെ, സന്തോഷത്തിന്‍റെ അലൗകീക ഊഞ്ഞാലില്‍ ആടുന്നു. ഈ ലോകത്തില്‍ വസിക്കുന്നവര്‍ സദാ ഈ ദേഹത്തിന്‍റെ മണ്ണാകുന്ന അഴുക്കില്‍ നിന്നും വേറിട്ട് ഫരിസ്ഥയായി പറക്കുന്ന കലയില്‍ പറന്നു കൊണ്ടിരിക്കുന്നു. സദാ രത്നങ്ങള്‍ കൊണ്ട് കളിക്കുന്നു, സദാ പരമാത്മ കൂട്ട്ക്കെട്ടിന്‍റെ അനുഭവം ചെയ്യുന്നു. അങ്ങയോടൊപ്പം കഴിക്കും, അങ്ങുമായി സംസാരിക്കും, അങ്ങില്‍ നിന്ന് തന്നെ കേള്‍ക്കും, അങ്ങുമായി തന്നെ സര്‍വ്വ സംബന്ധങ്ങള്‍ നിറവേറ്റും, അങ്ങയുടെ ശ്രീമത്തനുസരിച്ച്, ആജ്ഞയനുസരിച്ച് നടക്കും…. ഇതേ ഉണര്‍വ്വിന്‍റെയും ഉത്സാഹത്തിന്‍റെയും, സന്തോഷത്തിന്‍റെയും ഗീതം പാടിക്കൊണ്ടിരിക്കുന്നു. ഇങ്ങനെയുള്ള ലോകം ഈ മിലനത്തിന്‍റെ മേളയിലാണ് പ്രാപ്തമാകുന്നത്. ബാബയെ ലഭിച്ചു, ലോകം ലഭിച്ചു…. അങ്ങനെയുള്ള ശ്രേഷ്ഠമായ മിലനമാണിത്. അതിനാല്‍ അങ്ങനെയുള്ള മേളയില്ലല്ലേ വന്നിരിക്കുന്നത്! മേള കണ്ട് കണ്ട് ഒരു പ്രാപ്തിയില്‍ തന്നെ മുഴുകി, മറ്റ് പ്രാപ്തികള്‍ നഷ്ടപ്പെടുത്തുന്നത് പോലെയാകരുത്. ഈ ആത്മീയ മേളയില്‍ സര്‍വ്വ പ്രാപ്തികളും പ്രാപ്തമാക്കി മുന്നോട്ട് പോകണം. വളരെയധികം ലഭിച്ചു, ഇതില്‍ മാത്രം സന്തോഷിക്കരുത്. പൂര്‍ണ്ണമായും പ്രാപ്തമാക്കണം. ഇപ്പോഴും ചെക്ക് ചെയ്യൂ- മേളയില്‍ സര്‍വ്വ പ്രാപ്തികള്‍ പ്രാപ്തമാക്കിയോ? തുറന്ന ഖജനാവാണ് അതിനാല്‍ സമ്പന്നമായി തന്നെ പോകണം. പിന്നെ അവിടെ പോയിട്ട്, ഇതും ചെയ്യണമായിരുന്നു, ആഗ്രഹിച്ചത് പോലെ ചെയ്തില്ല എന്ന് പറയില്ലല്ലോ. അങ്ങനെ പറയില്ലല്ലോ? അപ്പോള്‍ ഈ മേളയുടെ മഹത്വം മനസ്സിലാക്കിയോ? മേള ആഘോഷിക്കുക അര്‍ത്ഥം മഹാനാകുക. കേവലം വരുക പോകുക എന്ന് മാത്രമല്ല. എന്നാല്‍ സമ്പന്നമായ പ്രാപ്തി സ്വരൂപമാകുക. അങ്ങനെയുള്ള മേള ആഘോഷിച്ചോ? നിമിത്തമായ സേവാധാരികള്‍ എന്ത് മനസ്സിലാക്കുന്നു? വൃദ്ധി വിധിയെ പോലും പരിവര്‍ത്തനപ്പെടുത്തുന്നു. തീര്‍ച്ചയായും അഭിവൃദ്ധിയുണ്ടാകണം, ഓരോ വിധിയില്‍ തീര്‍ച്ചയായും സമ്പന്നവും സന്തുഷ്ടവുമായിരിക്കണം. ഇപ്പോള്‍ അച്ഛന്‍ മക്കളുടെ സംബന്ധത്തിലൂടെയാണ് മിലനം ചെയ്യുന്നത്. സമീപത്ത് വരുന്നത്. പിന്നീട് ദര്‍ശനം മാത്രമായി മാറും. ശരി.
സര്‍വ്വ ആത്മീയ മിലനത്തിന്‍റെ മേള ആഘോഷിക്കുന്ന, സര്‍വ്വ പ്രാപ്തികളുടെ സമ്പൂര്‍ണ്ണ അധികാരം പ്രാപ്തമാക്കുന്ന, സദാ സുഖമയമായ സമ്പന്നമായ ലോകത്തെ സ്വന്തമാക്കുന്ന, സദാ പ്രാപ്തികളുടെ, സന്തോഷത്തിന്‍റെ ഗീതം പാടുന്ന, അങ്ങനെ സദാ ശ്രേഷ്ഠമായ നിര്‍ദ്ദേശമനുസരിച്ച് നടക്കുന്ന, ആജ്ഞാകാരി സത്പുത്രര്‍ക്ക് ബാപ്ദാദായുടെ സ്നേഹ സ്മരണയും നമസ്തേ.
ടീച്ചേഴ്സിനോട്- സദാ ഓര്‍മ്മയുടെ സേവനത്തിന്‍റെയും സന്തുലനം വയ്ക്കുന്നവരാണ്, സദാ ബാബയുടെ ആശീര്‍വാദം നേടുന്നവരാണ്. സന്തുലനം ഉള്ളയിടത്ത് ബാബയിലൂടെ സ്വതവേ തന്നെ ആശീര്‍വാദം മാത്രമല്ല, വരദാനവും പ്രാപ്തമാകുന്നു. ബാലന്‍സില്ലാത്തയിടത്ത് വരാദാനവുമില്ല. വരദാനമില്ലായെങ്കില്‍ അവിടെ പരിശ്രമിക്കേണ്ടി വരുന്നു. വരദാനം പ്രാപ്തമായി കൊണ്ടിരിക്കുന്നു അര്‍ത്ഥം സര്‍വ്വ പ്രാപ്തികളും സഹജമായി ലഭിച്ചു കൊണ്ടിരിക്കുന്നു. അങ്ങനെയുള്ള വരദാനങ്ങള്‍ പ്രാപ്തമാക്കുന്ന സേവാധാരിയല്ലേ. സദാ ഒരു ബാബ, ഏകരസ സ്ഥിതി, ഏകമതത്തിലിരുന്ന് മുന്നോട്ട് പോകുന്നവരാണ്. ഏക അഭിപ്രായമുള്ളയിടത്ത് സദാ സഫലതയുണ്ട്. അതിനാല്‍ സദാ ഓരോ ചുവടിലും വരദാതാവായ ബാബയിലൂടെ വരദാനം പ്രാപ്തമാക്കണം. അങ്ങനെയുള്ള സത്യമായ സേവാധാരിയാകണം. സദാ സ്വയത്തെ ഡബിള്‍ ലൈറ്റ് ആണെന്ന് മനസ്സിലാക്കിയാണോ സേവനം ചെയ്തു കൊണ്ടിരിക്കുന്നത് എത്രത്തോളം ഭാരരഹിതമാകുന്നുവൊ, അത്രത്തോളം സേവനത്തിലും ഭാര രഹിതമാകാന്‍ സാധിക്കും. സേവനത്തില്‍ എത്രത്തോളം ഭാര രഹിതമാകുന്നുവൊ, അത്രത്തോളം സഹജമായി പറക്കാനും, മറ്റുളളവരെ പറക്കാന്‍ സഹായിക്കുവാനും സാധിക്കും. ഡബിള്‍ ലൈറ്റായി സേവനം ചെയ്യണം, ഓര്‍മ്മയിലിരുന്ന് സേവനം ചെയ്യുക തന്നെയാണ് സഫലതയുടെ ആധാരം. ആ സേവനത്തിന്‍റെ പ്രത്യക്ഷ ഫലവും ലഭിക്കുന്നു.
പാര്‍ട്ടികളോട് അവ്യക്ത ബാപ്ദാദായുടെ സംഭാഷണം : സംഗമയുഗം സദാ സര്‍വ്വ പ്രാപ്തി നേടുന്നതിനുള്ള യുഗമാണ്. സംഗമയുഗം ശ്രേഷ്ഠമാകുന്നതിനും, ആക്കുന്നതിനുമുള്ള യുഗമാണ്. അതിനാല്‍ സദാ ഞാന്‍ സംഗമയുഗീ ശ്രേഷ്ഠ ആത്മാവാണ് എന്ന സ്മൃതിയുണ്ടോ? സര്‍വ്വ പ്രാപ്തികളുടെ അനുഭവം ഉണ്ടാകുന്നുണ്ടോ? ബാബയിലൂടെ ലഭിക്കുന്ന പ്രാപ്തിയുടെ ആദാരത്തില്‍ സദാ സ്വയത്തെ സമ്പന്ന ആത്മാവാണെന്ന് മനസ്സിലാക്കുന്നുണ്ടോ? അത്രയും സമ്പന്നമാകണം, സ്വയവും അനുഭവിക്കണം, മറ്റുള്ളവര്‍ക്കും വിതരണം ചെയ്യണം. ബാബ സമ്പന്നമായ ഭണ്ഡാരയാണ്, അതേപോലെ നിങ്ങള്‍ കുട്ടികലുടെയും ഭണ്ഡാര സദാ സമ്പന്നമാണ്. ഒരിക്കലും കാലിയാകില്ല. എത്രത്തോളം മറ്റുള്ളവര്‍ക്ക് നല്കുന്നുവൊ അത്രത്തോളം കൂടുതല്‍ വര്‍ദ്ധിക്കുന്നു. സംഗമയുഗത്തിന്‍റെ വിശേഷത തന്നെയാണ് നിങ്ങളുടെയും വിശേഷത. നമ്മള്‍ സംഗമയുഗീ സര്‍വ്വ പ്രാപ്തി സ്വരൂപരായ ആത്മാക്കളാണ് എന്ന സ്മൃതിയിലിരിക്കൂ. സംഗമയുഗം പുരുഷോത്തമ യുഗമാണ്, ഈ യുഗത്തില്‍ പാര്‍ട്ടഭിനയിക്കുന്ന പുരുഷോത്തമരല്ലേ. ലോകത്തിലെ സര്‍വ്വ ആത്മാക്കളും നിങ്ങളുടെ മുന്നില്‍ സാധാരണമാണ്, നിങ്ങള്‍ അലൗകീകവും, നിര്‍മ്മോഹിയുമാണ്. അവര്‍ അജ്ഞാനി, നിങ്ങള്‍ ജ്ഞാനി. അവര്‍ ശൂദ്രര്‍, നിങ്ങള്‍ ബ്രാഹ്മണരാണ്. അവര്‍ ദുഃഖധാമിലുള്ളവരാണ്, നിങ്ങള്‍ സംഗമയുഗീകളാണ്. സംഗമയുഗവും സുഖധാമമാണ്. എത്ര ദുഃഖങ്ങളില്‍ നിന്നും രക്ഷപ്പെട്ടു. ഇപ്പോള്‍ സാക്ഷിയായി കാണുന്നു- ലോകം എത്രം ദുഃഖിയാണ്, അതുമായി താരതമ്യപ്പെടുത്തുമ്പോള്‍ നിങ്ങള്‍ എത്ര സുഖിയാണ്. വ്യത്യാസം മനസ്സിലാകുന്നില്ലേ. അതിനാല്‍ സദാ നമ്മള്‍ പുരുഷോത്തമ യുഗത്തിലെ പുരുഷോത്തമ ആത്മാക്കളാണ്, സുഖ സ്വരൂപരായ ആത്മാക്കളാണെന്ന സ്മൃതിയിലിരിക്കൂ. സുഖവും ശ്രേഷ്ഠതയുമില്ലായെങ്കില്‍ അത് ജീവിതമല്ല.
സദാ ഓര്‍മ്മയുടെ സന്തോഷത്തില്ലല്ലേയിരിക്കുന്നത്? സന്തോഷം തന്നെയാണ് ഏറ്റവും വലിയ ആശീര്‍വാദവും മരുന്നും. സദാ ഈ സന്തോഷത്തിന്‍റെ മരുന്നും ആശീര്‍വാദവും നേടിക്കൊണ്ടിരിക്കൂ, എങ്കില്‍ സദാ സന്തോഷത്തോടെയിരിക്കുന്നതിനാല്‍ ശരീരത്തിന്‍റെ കര്‍മ്മ കണക്കും തന്‍റെ നേര്‍ക്ക് ആകര്‍ഷിക്കില്ല. സ്നേഹി-നിര്‍മ്മോഹി സ്ഥിതിയിലിരുന്നാല്‍ ശരീരത്തിന്‍റെ കര്‍മ്മ കണക്ക് സമാപ്തമാകും. എത്ര തന്നെ വലിയ കണക്കായ്ക്കോട്ടെ, അതും തൂമ്പയില്‍ നിന്ന് മുള്ളായി തീരുന്നു. വലിയ കാര്യമായി അനുഭവപ്പെടുന്നില്ല. ഇത് കര്‍മ്മ കണക്കാണെന്ന അനുഭവമുണ്ടായി അതിനാല്‍ സന്തോഷത്തോടെ കര്‍മ്മ കണക്ക് തീര്‍ക്കുന്നവര്‍ക്ക് സര്‍വ്വതും സഹജമാകുന്നു. അജ്ഞാനികള്‍ അയ്യോ അയ്യോ എന്ന് നിലവിളിക്കും, ജ്ഞാനികള്‍ സദാ- ആഹാ മധുരമായ ബാബ, ആഹാ ഡ്രാമ ഈ സ്മൃതിയിലിരിക്കും. സദാ സന്തോഷത്തിന്‍റെ ഗീതം പാടൂ. ജീവിതത്തില്‍ നേടേണ്ടതെല്ലാം നേടി കഴിഞ്ഞു എന്നത് തന്നെ ഓര്‍മ്മിക്കൂ.എന്ത് പ്രാപ്തിയാണോ വേണ്ടത്, അതെല്ലാം ലഭിച്ചു കഴിഞ്ഞു. സര്‍വ്വ പ്രാപ്തിയുടെയും സമ്പന്നമായ ഭണ്ഡാരയാണ്. ഖജനാവ് നിറഞ്ഞിരിക്കുന്നയിടത്ത് ദുഃഖം, വേദനകള്‍ സര്‍വ്വതും സമാപ്തമാകുന്നു. സദാ തന്‍റെ ഭാഗ്യത്തെ കണ്ട് ഹര്‍ഷിതമായി കൊണ്ടിരിക്കൂ- ആഹാ എന്‍റെ ശ്രേഷ്ഠമായ ഭാഗ്യം! സദാ ഇതേ ഗീതം മനസ്സില്‍ പാടിക്കൊണ്ടിരിക്കൂ. നിങ്ങളുടെ ഭാഗ്യം എത്ര വലുതാണ്. ലോകത്തിലുള്ളവര്‍ക്ക് ഭാഗ്യമുണ്ടെങ്കില്‍ സന്താനം ലഭിക്കും, ധനം ലഭിക്കും, സമ്പത്ത് ലഭിക്കും എന്നാല്‍ ഇവിടെയെന്ത് ലഭിക്കുന്നു? സ്വയം ഭാഗ്യ വിദാതാവിനെ തന്നെ ഭാഗ്യത്തിന്‍റെ രൂപത്തില്‍ ലഭിച്ചു. ഭാഗ്യ വിദാതാവ് സ്വന്തമായിയെങ്കില്‍ പിന്നെ ബാക്കിയെന്താണ് അവശേഷിക്കുന്നത്! ഈ അനുഭവമില്ലേ! കേവലം കേട്ടു കേള്‍വിയനുസരിച്ചല്ലല്ലോ നടക്കുന്നത്. മുതിര്‍ന്നവര്‍ പറഞ്ഞു ഭാഗ്യ വിദാതാവിനെ ലഭിച്ചു, നിങ്ങള്‍ അതനുസരിച്ചു, ഇതിനെയാണ് പറയുന്നത് കേട്ടു കേള്‍വിയനുസരിച്ച് നടക്കുക എന്നത്. അതിനാല്‍ കേള്‍ക്കുമ്പോഴാണോ മനസ്സിലാക്കുന്നത് അതോ അനുഭവത്തിലൂടെയാണോ മനസ്സിലാക്കുന്നത്?
സര്‍വ്വരും അനുഭവിയാണോ? സംഗമയുഗം അനുഭവം ചെയ്യുന്നതിന്‍റെ യുഗമാണ്, ഈ യുഗത്തില്‍ സര്‍വ്വ പ്രാപ്തികളുടെയും അനുഭവം ചെയ്യാന്‍ സാധിക്കും. ഇപ്പോള്‍ ചെയ്യുന്ന അനുഭവം സത്യയുഗത്തില്‍ ഉണ്ടായിരിക്കുകയില്ല. ഇവിടെയുള്ള സ്മൃതി സത്യയുഗത്തില്‍ മര്‍ജ്ജാകും(ഇല്ലാതാകും). ഇവിടെ ബാബയെ ലഭിച്ചു എന്ന അനുഭവം ചെയ്യുന്നു, അവിടെ ബാബയുടെ കാര്യമേയില്ല. സംഗമയുഗം തന്നെയാണ് അനുഭവം ചെയ്യുന്നതിനുള്ള യുഗം. അതിനാല്‍ ഈ യുഗത്തില്‍ സര്‍വ്വരും അനുഭവികളായി. അനുഭവി ആത്മാക്കള്‍ ഒരിക്കലും മായയുടെ ചതിവില്‍പ്പെടില്ല. ചതിവില്‍പ്പെടുമ്പോഴാണ് ദുഃഖം ഉണ്ടാകുന്നത്. അനുഭവത്തിന്‍റെ അധികാരമുള്ളവര്‍ ഒരിക്കലും ചതിക്കപ്പെടില്ല. സദാ സഫലത പ്രാപ്തമാക്കി കൊണ്ടിരിക്കും. സദാ സന്തോഷത്തോടെയിരിക്കും. അതിനാല്‍ വര്‍ത്തമാന സീസണിന്‍റെ വരദാനം ഓര്‍മ്മിക്കുക- സര്‍വ്വ പ്രാപ്തി സ്വരൂപരായ സന്തുഷ്ട ആത്മാക്കള്‍. സന്തുഷ്ടരാക്കുന്നവരാണ്. ശരി.
ബാപ്ദാദായുടെ സന്മുഖത്ത് ഇന്‍കമ് ടാക്സ് ഓഫീസര്‍ ഉണ്ട്, അവരെ പ്രതി ഉച്ഛരിച്ച മധുര മഹാവാക്യം-
തന്‍റെ വീട്ടിലാണ് വന്നിരിക്കുന്നതെന്ന് മനസ്സിലാക്കുന്നുണ്ടല്ലോ? ഈ വീട് ആരുടേതാണ്? പരമാത്മാവിന്‍റെ വീട് സര്‍വ്വരുടേയും വീടല്ലേ? അതിനാല്‍ നിങ്ങളുടെയും വീടായില്ലേ. വീട്ടില്‍ വന്നു- ഇത് നല്ല കാര്യമാണ് ചെയ്തത്- ഇപ്പോള്‍ ഇനിയും നല്ലതായി എന്ത് ചെയ്യും? നല്ലതിലും വച്ച് നല്ലത് ചെയ്യണം, ഉയര്‍ന്നതിലും വച്ച് ഉയര്‍ന്നതാകണം- ഇത് ജീവിത്തിന്‍റെ ലക്ഷ്യമാണ്. ഇപ്പോള്‍ നല്ലതിലും വച്ച് നല്ലതായി എന്ത് ചെയ്യണം? ഇപ്പോള്‍ കേള്‍പ്പിച്ച പാഠത്തെ പക്കാ ആക്കി അതിനാല്‍ ഈ പാഠത്തില്‍ സര്‍വ്വ പഠിത്തവും അടങ്ങിയിട്ടുണ്ട്. ഇത് വിചിത്രമായ വിശ്വ വിദ്യാലയമാണ്, കാണുമ്പോള്‍ വീടുമാണ് എന്നാല്‍ ബാബ സത്യമായ ടീച്ചറാണ്. വീടുമാണ്, വിദ്യാലയമാണ് അതിനാല്‍ ചില ആളുകള്‍ക്ക് മനസ്സിലാക്കാന്‍ സാധിക്കുന്നില്ല- ഇത് വീടാണോ വിദ്യാലയമാണോ എന്ന്. എന്നാല്‍ വീടുമാണ് വിദ്യാലയവുമാണ് കാരണം ഏറ്റവും ശ്രേഷ്ഠമായ പാഠമാണ് ഇവിടെ പഠിപ്പിക്കുന്നത്. കോളേജിലും സ്ക്കൂളിലും പഠിപ്പിക്കുന്നതിന്‍റെ ലക്ഷ്യമെന്താണ്? ചരിത്രവാനാകണം, സമ്പാദിക്കുന്നതിന് യോഗ്യരാകണം, പരിവാരത്തെ നല്ല രീതിയില്‍ പാലിക്കുന്നവരാകണം. ഇതേ ലക്ഷ്യമല്ലേ. അതിനാല്‍ ഇവിടെ സര്‍വ്വ ലക്ഷ്യങ്ങളും പൂര്‍ത്തീകരിക്കപ്പെടുന്നു. ഓരോരുത്തരും ചരിത്രവാനായി തീരുന്നു.
ഭാരത ദേശത്തിലെ നേതാക്കന്‍മാര്‍ എന്താണ് ആഗ്രഹിക്കുന്നത്? ഭാരതത്തിന്‍റെ ബാപ്പുജി എന്താണ് ആഗ്രഹിച്ചിരുന്നത്? ഭാരതം ലൈറ്റ് ഹൗസാകണം, ലോകത്തിന്‍റെ ആദ്ധ്യാത്മിക ശക്തിയുടെ കേന്ദ്രമാകണം എന്നല്ലേ ആഗ്രഹിച്ചിരുന്നത്. അതേ കാര്യം ഇവിടെ ഗുപ്ത രൂപത്തില്‍ നടന്നു കൊണ്ടിരിക്കുന്നു. ഒരാളെങ്കിലും രാമനും സീതയ്ക്കും സമാനമായിയെങ്കില്‍, ഒരു രാമനും സീതയും കാരണം രാമ രാജ്യം ഉണ്ടായി, ഇത്രയും പേര്‍ രാമനും സീതയ്ക്കും സമാനമായിയെങ്കില്‍ എന്ത് സംഭവിക്കും? അതിനാല്‍ ഈ പാഠം പ്രയാസമല്ല, വളരെ സഹജമാണ്. ഈ പാഠത്തെ പക്കാ ആക്കുകയാണെങ്കില്‍ നിങ്ങള്‍ക്കും സത്യമായ ടീച്ചറിലൂടെ ആത്മീയ സര്‍ട്ടിഫിക്കറ്റ് നേടാന്‍ സാധിക്കും, വരുമാന മാര്‍ഗ്ഗം ലഭിക്കും എന്ന ഗ്യാരന്‍റിയും നല്കുന്നു. ബാക്കി തീര്‍ച്ചയായും വിചിത്രമാണ്. മുത്തച്ഛനും മുതുമുത്തച്ഛനും ഇവിടെ തന്നെയാണ് പഠിക്കുന്നത്, മക്കളും പേരക്കുട്ടികളും ഇവിടെ തന്നെ പഠിക്കുന്നു. ഒരേ ക്ലാസ്സിലാണ് രണ്ടു പേരും പഠിക്കുന്നത് കാരണം ആത്മാക്കളെയാണ് ഇവിടെ പഠിപ്പിക്കുന്നത്, ശരീരത്തെ കാണുന്നില്ല, ആത്മാവിനെയാണ് പഠിപ്പിക്കുന്നത്- 5 വയസ്സുള്ള കുട്ടിയായിക്കോട്ടെ, അതിനും ഈ പാഠം പഠിക്കാന്‍ സാധിക്കില്ലേ. കുട്ടികള്‍ക്ക് കൂടുതല്‍ കാര്യം ചെയ്യാന്‍ സാധിക്കും. വൃദ്ധരായവര്‍ക്കും ഈ പാഠം ആവശ്യമാണ്, ഇല്ലായെങ്കില്‍ ജീവിതത്തില്‍ നിരാശയുണ്ടാകുന്നു. വിദ്യാഭ്യാസമില്ലാത്ത മാതാക്കള്‍ക്കും ശ്രേഷ്ഠമായ ജീവിതം വേണമല്ലോ, അതിനാല്‍ സത്യമായ ടീച്ചര്‍ സര്‍വ്വരെയും പഠിപ്പിക്കുന്നു. എത്ര തന്നെ വലിയ വി ഐ പി ആയിക്കോട്ടെ എന്നാല്‍ സത്യമായ ടീച്ചറിന് സര്‍വ്വരും വിദ്യാര്‍ത്ഥികളാണ്. ഈ ഓരേയൊരു പാഠമാണ് സര്‍വ്വരെയും പഠിപ്പിക്കുന്നത്. അപ്പോള്‍ എന്ത് ചെയ്യും? പാഠം പഠിക്കില്ലേ, നേട്ടം നിങ്ങള്‍ക്ക് തന്നെയാണ്. ആര് ചെയ്യുന്നുവൊ അവര്‍ക്ക് ലഭിക്കുന്നു. എത്ര ചെയ്യുന്നുവൊ അത്രയും നേട്ടം ഉണ്ടാകുന്നു- കാരണം ഇവിടെ ഒന്നിന് കോടിമടങ്ങായി ലഭിക്കുന്നു. വിനാശി പഠത്തില്‍ അങ്ങനെയില്ല. അവിനാശി പഠിത്തത്തില്‍ ഒന്നിന് കോടി മടങ്ങായി ലഭിക്കും കാരണം ദാതാവല്ലേ. ശരി.
രാജസ്ഥാന്‍ സോണുമായുളള ബാപ്ദാദായുടെ കൂടിക്കാഴ്ച്ച- രാജസ്ഥാന്‍ സോണിന്‍റെ വിശേഷയെന്താണ്? രാജസ്ഥാനില്‍ തന്നെയാണ് മുഖ്യമായ കേന്ദ്രമുള്ളത്. സോണിന് വിശേഷതയുള്ളത് പോലെ രാജസ്ഥാന്‍ നിവാസികള്‍ക്കും വിശേഷതയുണ്ടായിരിക്കില്ലേ. ഇപ്പോള്‍ രാജസ്ഥാനില്‍ വിശേഷപ്പെട്ട വജ്രം കണ്ടെത്തണോ അതോ നിങ്ങള്‍ തന്നെയാണോ വിശേഷപ്പെട്ട വജ്രം? നിങ്ങള്‍ ഏറ്റവും വിശേഷപ്പെട്ടതാണ് എന്നാല്‍ ആരാണോ സേവനത്തിന്‍റെ ക്ഷേത്രത്തില്‍, ലോകത്തിന്‍റെ ദൃഷ്ടിയില്‍ വിശേഷമായവര്‍, അവരെയും സേവനത്തിന് നിമിത്തമാക്കണം. അങ്ങനെയുള്ള സേവനം ചെയ്തിട്ടുണ്ടോ? രാജസ്ഥാന്‍ ഏറ്റവും നമ്പര്‍വണ്‍ ആകണം. സംഖ്യയില്‍, ഗുണമേന്‍മയില്‍, സേവനത്തിന്‍റെ വിശേഷതയില്‍, സര്‍വ്വതിലും നമ്പര്‍വണ്‍. മുഖ്യമായ കേന്ദ്രം നമ്പര്‍വണ്‍ തന്നെയാണ് എന്നാല്‍ അതിന്‍റെ പ്രഭാവം മുഴുവന്‍ രാജസ്ഥാനിലും ഉണ്ടാകണം. ഇപ്പോള്‍ നമ്പര്‍വണ്‍ സംഖ്യയില്‍ മഹാരാഷ്ട്ര, ഗുജറാത്താണ് ഉള്ളത്. ഇനി ഏറ്റവും നമ്പര്‍വണ്‍ രാജസ്ഥാനായി മാറണം. ഇപ്പോള്‍ ഈ വര്‍ഷം തയ്യാറാകൂ. അടുത്ത വര്‍ഷം മഹാരാഷ്ട്രയേക്കാളും ഗുജറാത്തിനേക്കാളും നമ്പര്‍ വണ്‍ ആയി പോകണം. നിശ്ചയ ബുദ്ധി വിജയന്തി. എത്രയോ നല്ല മല്ല അനുഭവി രത്നങ്ങളാണ്. സേവനത്തെ മുന്നോട്ടുയര്‍ത്തും, തീര്‍ച്ചയായും മുന്നോട്ടുയരും. ശരി.
വരദാനം- ഭഗവാന്‍റെയും ഭാഗ്യത്തിന്‍റെയും സ്മൃതിയിലൂടെ മറ്റുള്ളവരുടെയും ഭാഗ്യത്തെയുണ്ടാക്കുന്ന സന്തുഷ്ടമായ സൗഭാഗ്യശാലികളായി ഭവിക്കട്ടെ.
അമൃതവേള മുതല്‍ രാത്രി വരെ തന്‍റെ വ്യത്യസ്ഥമായ ഭാഗ്യത്തെ സ്മൃതിയില്‍ കൊണ്ടു വരൂ, ഇതേ ഗീതം പാടിക്കൊണ്ടിരിക്കൂ- ആഹാ എന്‍റെ ശ്രേഷ്ഠമായ ഭാഗ്യം. ഭഗവാന്‍റെയും ഭാഗ്യത്തിന്‍റെയും സ്മൃതിയിലിരിക്കുന്നവര്‍ക്കേ മറ്റുള്ളവരെയും ഭാഗ്യവാനാക്കാന്‍ സാധിക്കൂ. ബ്രാഹ്മണന്‍ അര്‍ത്ഥം സദാ ഭാഗ്യവാന്‍, സദാ സൗഭാഗ്യശാലി. ബ്രാഹ്മണ ആത്മാവിന്‍റെ സന്തോഷത്തെ കുറയ്ക്കാനുള്ള ധൈര്യം ആര്‍ക്കുമില്ല. ഓരോരുത്തരും സന്തുഷ്ടരും, സൗഭാഗ്യശാലികളുമാണ്. ബ്രാഹ്മണ ജീവിതത്തില്‍ സന്തോഷം നഷ്ടപ്പെടുക എന്നത് അസംഭവ്യമാണ്, ശരീരം നഷ്ടപ്പെട്ടാലും സന്തോഷം നഷ്ടപ്പെടരുത്.
സ്ലോഗന്‍- മായയുടെ ഊഞ്ഞാലിനെ ഉപേക്ഷിച്ച് അതീന്ദ്രിയ സുഖത്തിന്‍റെ ഊഞ്ഞാലില്‍ സദാ ആടിക്കൊണ്ടിരിക്കൂ.
